Жыл башынан бери облустун аймагында 113 баш мал уурдалып жабырлануучулар 2 млн. 321 миң сом зыян тартышты. Бул тууралуу “Азаттыкка” Нарын облустук ички иштер башкармалыгынын басма сөз катчысы Медина Султаналиева билдирди.
Анын айтуусунда, уурдалган малдардын алтымышы ээлерине кайра кайтарылып берилген. Ошондой эле жыл башынан бери облуста мал уурулукту кесип кылган 8 кылмыштуу топ кармалып, алар тарабынан 10 кылмыш ишин жасалгандыгы аныкталган. (MiK)
