Линктер

ЧУКУЛ КАБАР!
16-Октябрь, 2021 ишемби, Бишкек убактысы 12:57

Ошто майыптар бийликке нааразы


Бул тууралуу бүгүн «Шахида» майыптар коому маалымат жыйында билдиришти. Алардын айтуусунда, мамлекет мүмкүнчүлүгү чектелген жарандардын укуктарын жетиштүү коргобой жатат.

Уюмдун Насиба Төлөгабылова аттуу мүчөсү беш миң сом пара талап кылган кызматкердин айынан майыптыгы үчүн жөлөкпул алалбай жатканын айтты.

Ал уюмдун калган мүчөлөрү үй-бүлө зомбулугунан улам көчөдө калышканын, аларга мамлекет же материалдык, же укуктук жактан жардам бербей жатканына нааразы.

Ошто мамлекеттик казынадан мүмкүнчүлүгү чектелген жарандарга берилген жөлөкпулдан сырткары шаардык казынадан да ар бир майыпка бир жылда бир жолу 700 сомдук дары акысыз берилет.

Ош шаарында 18 жашка чейинки майып балдардын саны 731 болсо, 1-, 2-, 3-топтогу майыптардын жалпы саны 3611 адамды түзөт. 2004-жылы түзүлгөн «Шахида» уюмунда 200 майып мүчө катары катталган. (YI)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG