Бүгүн Жогорку Кеңеш кезексиз жыйынында парламент комитеттеринин төрагаларын шайлады. Шайлоо бюллетени менен жашыруун добуш берүү аркылуу өттү.
Ага ылайык, Галина Скрипкина (КСДП)- Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинин төрагалыгына;
Алмазбек Баатырбеков (“Кыргызстан”)- Эл аралык иштер, коргоо жана коопсуздук боюнча комитетинин төрагалыгына;
Мирлан Бакиров (“Өнүгүү”) - Агрардык саясат, суу ресурстары, экология жана региондук өнүгүү боюнча комитетинин төрагалыгына;
Садык Шер-Нияз (“Ата Мекен”) - Социалдык маселелер, билим берүү, илим, маданият жана саламаттык сактоо боюнча комитетинин төрагалыгына;
Кожобек Рыспаев (КСДП) - Отун-энергетикалык комплекс жана жер казынасын пайдалануу боюнча комитетинин төрагалыгына;
Иса Өмүркулов (КСДП) - Транспорт, коммуникациялар, архитектура жана курулуш боюнча комитетинин төрагалыгына;
Нурлан Макеев (“Кыргызстан”) - Экономикалык жана фискалдык саясат боюнча комитетинин төрагалыгына;
Аскарбек Шадиев (“Бир бол”) - Бюджет жана финансы боюнча комитетинин төрагалыгына;
Жаныбек Бакчиев (“Бир бол”) - Укук тартиби жана кылмыштуулукка каршы күрөшүү боюнча комитетинин төрагалыгына шайланды.
Көпчүлүк коалиция комитеттердин санын кыскарткан. Ага ылайык, мурдагы 14 комитеттин ордуна эми 9 комитет түзүлгөн. (КЕ)
