Билим берүү жана илим министрлиги мектептердеги кышкы эс алуу быйыл 31-декабрдан 2016-жылдын 24-январына чейин созуларын билдирди. Мындай чечим суукка байланыштуу кабыл алынды. Окуу планын калтырбоо максатында жазгы эс алууга беш күн убакыт бөлүнөт.
Мурда кышкы эс алуу 12 күн болгон. Соңку жылдары бир айга чейин созулууда. Буга байланыштуу окуучулар мектепти 25-майда эмес, бир жума кеч аяктап жатышат. (SE)
