Жалал-Абадда кыргыз-өзбек чек арасынан Өзбекстан тарапка өтүп кеткен мал ээсине кайтарылып берилди. Бул тууралуу бүгүн Чек ара кызматынан кабарлашты. Кечээ, 10-ноябрда Ала-Бука районунун Арап айылында кыргызстандык малчынын кароосуз калган 113 баш кой-эчкиси жана 11 баш бодо малы чек арадан өтүп кеткен. Өзбекстандык чек арачылар менен сүйлөшүү жүргүзүлүп, малдын баары ээсине кайтарылды. (RK)