Москва менен Бээжин жыйырмага чукул Су-35 согуштук учактарын Кытайга сатуу боюнча келишимге кол коюшту. “Биз бул келишимге кол койдук”, деп билдирди аскердик учактарды чыгаруучу “Ростех” мамлекеттик корпорациясынын башкы директору Сергей Чемезов.
Келишимдин жалпы суммасы 2 миллиард доллар. Кытай Орусиянын заманбап үлгүдөгү аскерий учактарын сатып алган алгачкы өлкө болмокчу.
2014-жылы Орусия АКШдан кийин эле дүйнөдө курал-жаракты эң көп экспорттогон экинчи өлкө болгон.
Орусиянын мамлекеттик курал-жарак экспорттоочу “Рособоронэкспорт” компаниясынын директору Анатолий Исайкин акыркы 15 жылдын ичинде Орусия 116 өлкөгө 115 миллиард доллардык курал сатканын билдирди.