Нарындын Ат-Башы районунда Казыбек айылынын 20 жаштагы эки тургуну адам өлүмүнө шектелүүдө. Бул тууралуу "Азаттыкка" райондук милициядан кабарлашты.
18-ноябрда айылдагы мүрзөнүн арасынан киши колдуу болуп өлдү деген адамдын сөөгү табылган. Териштирүүдөн кийин ал ошол эле айылдын тургуну 29 жаштагы Байысбек Баялиев экени аныкталган.
Ат-Башы райондук ички иштер башкармалыгынын жетекчи орун басары Мурат Наамановдун айтымында, кылмышка шектүү эки жаран камакка алынды. Алардын бири үйлөнгөнүнө 3 күн гана болгон.
Окуя боюнча кылмыш иши козголуп, тергөө жүрүүдө. (MiK)
