Бул тууралуу 21-ноябрда Кундуз боюнча иликтөө иштерин жүргүзүп жаткан топтун башчысы Амрулла Салех журналисттерге маалымдады. Анын айтымында, Кундуз провинциясын талибдер басып алган учурда шаарды ким бийлеп турганы белгисиз болгон. Салех кайсы жетекчи айыптуу экенин айткан жок, бирок Улуттук коопсуздук боюнча кеңешти реформалоо зарылчылыгын белгиледи.
Талибдер Ооганстандын Кундуз провинциясын 28-сентябрда басып алышкан. Көп өтпөй ооган күчтөрү америкалык аскерлердин абадан колдоосу менен шаарды талибдерден тазалоого жетишкен.(ZKo)
