Бул тууралуу 22-ноябрда өкмөттүн маалымат кызматынан кабарлашты. Кыргызстандын Унаа жана байланыш министри Аргынбек Малабаев башында турган өкмөттүк комиссия 22-ноябрда Ош шаарына барып, авиакырсыктын себептерин иликтөөгө киришти.
Өкмөт башчы Темир Сариев учак окуясы боюнча чукул жыйын чакырып, анда Унаа жана байланыш министри Аргынбек Малабаев башында турган өкмөттүк комиссия түзүлдү. Аталган министрликтин маалымат кызматынын жетекчиси Кылычбек Досумбетов Ош майданынан учууну кайра жандантууга уруксат берүү өкмөттүк комиссия тарабынан жүргүзүлөрүн билдирди. (AiT)
