Телтаев боюнча кылмыш ишти Атайын прокуратурадан Башкы прокуратурага өткөрүп берүү тууралуу арыз берилет. Бул тууралуу бүгүн маалымат жыйында Иманкул Телтаевдин туугандарынын адвокаты Улан Жумаков билдирди. Адвокат иш акыйкатсыз тергелип жатканын жана кызматына шалаакылык кылды, деген айып негизсиз экенин белгилейт.
Жумаковдун ырасташынча, Телтаев 50-абактагы абал боюнча чара көрүүнү өтүнүп ГСИНдин жетекчилигине бир канча жолу кайрылган. Бирок чара көрүлгөн эмес.
Телтаев 20-ноябрда асынып калган жеринен табылган. Ал өткөн айда 50-абактагы кандуу окуяга байланыштуу кызматтан алынып, 11-ноябрда камалган болчу. (КЕ/ЕВМ)
