Линктер

ЧУКУЛ КАБАР!
24-Октябрь, 2021 жекшемби, Бишкек убактысы 16:37

Маркум журналист - Алымбек Азимканов маданияттын мыктысы болду


Алымбек Азимканов

Жалал-Абаддык маркум журналист Алымбек Азимкановго "Кыргыз Республикасынын маданиятынын мыкты кызматкери" наамы ыйгарылды. Бул тууралуу Азимканов көзү өткөнчө эмгектенген Жалал-Абад облустук мамлекеттик телерадиокомпаниясынын (ЖТР) төрагасы Куттумидин Базаркулов билдирди.

- Бул наам бизге (ЖТРге) руханий киреше, жакшы сөз алып келди, жаштарга үлгү болду. Алымбек Азимканов чындыгында эле жаш журналисттерге өтө мыкты устат эле. КТРдин отличниги Алымбек Азимкановдун элесине арналган иш-чаралар дагы да уланып турмакчы. Келерки жылы да маркум журналисттин урматына иш-чараларды өткөрөбүз деп ниеттенүүдөбүз, – деп белгиледи Базаркулов.

ЖТРде өткөн салтанаттуу аземде маркум Азимкановдун үй-бүлөсү, кесиптештери жана Жалал-Абад облустук бийлигинин өкүлдөрү катышып, аны эскеришти.

Журналист жана акын Алымбек Азимканов 30 жылдан ашуун республикалык жана облустук телерадиодо эмгектенген. Төрт ырлар жыйнагынын автору жана бир нече сыйлыктардын ээси.

Ал 1958-жылы Сузак районунун Кашка-Терек айылында төрөлүп, 2015-жылдын 30-июнунда Жалал-Абад шаарында 57 жаш курагында дүйнөдөн кайткан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG