Чехиянын борбор шаары Прагада эрежесиз эр уруш боюнча (ММА) дүйнө чемпионаты өтүп жатат. Үч күнгө созулган мелдеште дүйнөнүн 37 мамлекетинен 150дөн ашуун мушкер күч сынашууда. Кыргызстандан барган жети спортчу 61 кило салмактан тарта бардык категориялар боюнча мөөрөй талашат.
77 кг салмакта 24 жаштагы Кайназар уулу Бекназар жана 84 кг салмакта 25 жаштагы Данияр Абдибаев 3-орунга ээ болушту. Финалдык беттештер 29-ноябрда болот.
