СПИДге каршы күрөшүүнүн Дүйнөлүк күнүнө карата бүгүн Бишкектин Жеңиш аянтында флеш-моб өттү. “СПИДди бий менен жеңебиз” деген ураандын алдында өткөн иш-чарага 50дөй киши катышты. Спорттук оюндар уюштурулуп, илдеттен сактануу боюнча маалыматтар берилди.
Кыргызстанда ВИЧ-инфекциясын жуктуруп алган 6285 киши катталган. 1276 киши бул дарттан көз жумган. СПИД илдетине чалдыккандардын 58% жакыны ийне менен баңгизаттарын сайынууда, 38%дан ашууну вирусту жыныстык жол менен жуктуруп алган. (КЕ)