Мындай маалымат Бириккен Улуттар Уюмунун атомдук энергия боюнча эл аралык агенттигинин 2-декабрда жарыяланган баяндамасында айтылган. Агенттиктин маалыматы боюнча, Иран 2003-жылга чейин ядролук курал жасоо багытында жыйнактуу иш жүргүзгөн. Андан кийин да 2009-жылга чейин кандайдыр бир иштер жүргүзүлгөн, бирок ал мурунку максаттуу иштердин уландысы болгон эмес. Баяндамада 2009-жылдан кийин ядролук курал жасоо багытында Иран кандайдыр бир иштерди аткарганы тууралуу далилдер жок экени белгиленген. Быйыл 14-июлда Венада Иран жана ири алты мамлекет Тегерандын ядролук программасы боюнча келишимге жетишкен. Ага ылайык Иран уранды байытуудан баш тартты. Алты ири мамлекет анын ордуна санкцияларды алууда. (AiT)
Иран ядролук курал жасоо максатында айрым иштерди жүргүзгөн
