Линктер

ЧУКУЛ КАБАР!
23-Октябрь, 2021 ишемби, Бишкек убактысы 08:55

Сирияда ИМдин карамагындагы мунай өндүргөн аймактар бомбаланды


АКШ баштаган коалициянын аскерий учактары Сирия чыгышында "Ислам мамлекети" экстремисттик тобу көзөмөлдөгөн мунай өндүрүүчү аймактарга абадан сокку урду. Лондондо жайгашкан Сирия обсерваториясы укук коргоо уюмунун кабарлашынча, аба чабуулу Дейр ал-Зор провинциясындагы Жафра, Танак жана ал-Омар аймактарына жасалды.

Улуу Британия коргоо министрлиги мунун алдында британ учактары мунай өндүрүүчү жайлар жайгашкан ал-Омар аймагын бомбалаганын кабарлаган.

Британ парламенти 2-декабрда он саатка созулган талаш-тартыштан соң өкмөттүн Сириядагы "Ислам мамлекети" экстремисттик тобуна каршы эл аралык коалицияга кошулуу сунушун жактырган.

Орусия британ учактарынын Сириядагы аба чабуулу тууралуу маалыматтардан кийин "Ислам мамлекети" террордук тобуна каршы кандай гана аракет болбосун колдой турганын билдирди.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG