Парламенттеги “Бир бол” жана “Өнүгүү” фракциялары бүгүнкү жыйынында валюта базарындагы абалды талкуулайт. Бул тууралуу Жогорку Кеңештин маалымат кызматынан кабарлашты. Акыркы мезгилде Кыргызстандын валюта базарында туруксуздук орун алып, улуттук валюта сомдун курсу кескин түшүп кетти.
Улуттук банк сомду кармоо үчүн тынымсыз интервенцияларды жасоодо. 3-декабрда 4 млн. 650 миң доллар сатууга чыгарды. 4-декабрга карай Улуттук банк бир доллардын баасын 75 сом 88 тыйын деп баалады. (AiT)
