Кыргызстандын Экономика министрлиги өлкөдөгү тигүү тармагын өркүндөтүү боюнча Германия эл аралык кызматташтык коому (GIZ) менен биргелешкен долбоорду ишке ашырууда. 2016-2018-жылдар аралыгында тармакты өнүктүрүү программасы быйыл сентябрда башталган. Министрликтен кабарлашкандай, аны ишке ашыруу үчүн “Легпром”, “Союзтекстиль” бирикмелери, “Промтанг” компаниясы тартылган.
Байкоолорго ылайык, Кыргызстанда 2015-жылдын башында жеңил өнөр жай өндүрүшүнүн көлөмү 30% ашуун азайган. Былтыр төмөндөө 17% түзгөн болчу. Өндүрүштө иштегендердин 38% ушул тармакта. (SE)
