Линктер

ЧУКУЛ КАБАР!
24-Октябрь, 2021 жекшемби, Бишкек убактысы 00:52

Ысык-Көл: баптисттер менен жергиликтүү элдин ортосундагы чыр иликтенүүдө


Кадамжай районундагы протестанттардын сыйынуу үйү

Ысык-Көл облусунун Ысык-Көл районуна караштуу Бактуу-Долоноту айылында баптисттердин унааларынын терезелеринин талкаланышы боюнча “бейбаштык” беренеси менен кылмыш козголду. Кылмыш иштин алкагында азырынча эч кимге айып тагыла элек. Райондук ички иштер бөлүмүнүн башчысы Таалай Муралиевдин “Азаттыкка” билдиришинче, окуя 30-ноябрда болгон жана христианчылыктын баптист диний агымындагы адамдардын үгүт жүргүзүшүнө каршы чыккан айрым жергиликтүү тургундар алардын беш унаасынын терезесин талкалап салган.

Кыргызстанда жер-жерлерде башка динге өткөндөрдү кодулаган жана жээриген көрүнүш бар. Буга чейин алардын үйүн бүлдүргөн, өлгөн адамдын сөөгүн коюуга каршы чыккан бир катар окуялар катталган болчу.

Дин иштери боюнча мамлекеттик комиссиядан каттоодон өтүп, Кыргызстанда расмий иш жүргүзүп жаткан 2330дай диний уюм бар. Буга коомдук уюмдар, бирикмелер, фонддор, окуу жайлар, мечиттер, медреселер, чиркөөлөр жана ибадатканалар кирет. Анын 1900дөйү ислам жаатындагы уюмдар жана мечиттер болсо, 370 уюм христиан динине таандык. Христиан дининдеги уюмдардын басымдуу бөлүгүн протестанттык багыттагы мекемелер түзөт. (EBM)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG