Федералдык Кеңеште сүйлөп жатып, Орусиянын Сбербанкынын башчысы Герман Греф 2016-жылы Орусиянын экономикасы олуттуу түрдө артына кетерин билдирди. “Эгерде тиешелүү чара көрүлбөсө, экономика кургуйга түшөт” деп билдирди Герман Греф. Грефтин айтымында, экономиканы капсалаңдан алып чыгуу үчүн бардык тармактарда, анын ичинде мамлекеттик башкарууда системалык өзгөрүүлөр жүргүзүлүүгө тийиш. Буга чейин каржы министри Антон Силуанов мунайдын баасы мына ушундай чекте кармалып, рублдин наркы ушундай деңгээлде турса, 2016-жылы ички дүң өнүм эки пайызга кыскарышы мүмкүн экенин билдирген.
