Бүгүн Токтогул Сатылганов атындагы улуттук филармонияда Чыңгыз Айтматовдун 12-декабрдагы туулган күнүнө карата “Бирик кыргыз, бириккенде байрагың бийик кыргыз!” аттуу концерт өтөт. Бул тууралуу Маданият жана маалымат министрлигинен кабарлашты.
Концертке “Эл ырчысы Эстебес” фолклордук тобунун артисттери катышат.
Жаңы программада даярдалган концерт буга чейин аншлаг менен өтүп, көрүүчүлөрдү кайдыгер калтырган эмес. Бул жолу Маданият министрлиги концертти шаардын тургундарына жана конокторуна бекер уюштуруп жатат. (ZA)
