Ирандын Саламаттыкты сактоо министрлиги соңку бир ай ичинде “чочко ылаңын” жуктуруп, набыт кеткендер саны 57 кишиге жеткенин, дагы 900 адам оорудан жабыркап жатканын маалымдады.
Илдет негизинен өлкөнүн түштүк-чыгыш бөлүгүндөгү Керман жана Систан-Балужистан облустарында күч алууда.
Алгач ирет “чочко тумоосу” пандемиясы 2009-жылы Мексикада катталып, тез арада башка мамлекеттерге жайылган. Бүткүл дүйнөлүк саламаттыкты сактоо уюмунун эсебинде, оорудан 18 миңден ашуун киши жашоо менен кош айтышты. (SE)
