Шанхай кызматташтык уюмуна мүчө өлкөлөрдүн премьер-министрлеринин жыйынында Кыргызстан-Өзбекстан-Кытай темир жолу боюнча сүйлөшүүнү жандантуу маселеси көтөрүлгөнү менен андан ары уланган жок.
Сүйлөшүүлөрдү тездетүү зарылдыгын 15-декабрдагы жыйында Кытай өкмөтүнүн башчысы Ли Кэцян белгилеп, "үч тараптуу жолугушуу тез арада" өтүшү керектигин жана 2016-жылдын биринчи жарымында бир чечимге келүү зарылдыгын айткан. Бирок бул демилгени качан ишке ашыруу маселеси макулдашылган жок.
Кытай-Кыргызстан-Өзбекстан темир жолун куруу тууралуу 20 жылга жакын убакыттан бери сөз болуп келет. Жолдун Кыргызстандагы бөлүгү 2012-жылдагы эсепте 430 чакырым келип, баасы 6 млрд. доллардын тегерегинде деп болжонгон. (SE\RK)
