Линктер

ЧУКУЛ КАБАР!
16-Октябрь, 2021 ишемби, Бишкек убактысы 06:01

Каримовдун кенже кызынын кымбат баалуу үй-мүлкү ачыкка чыкты


Лола Каримова

Америкалык “Нью Йорк Таймс” гезити 15-декабрда Лос-Анжелестеги көрүнүктүү райондордун биринде өзбек президентинин экинчи кызы Лола Каримова өтө кымбат төрт үй сатып алганын жазып чыкты. Андагы кабарларга таянсак, палестиндик ишкер Мохаммед Хадиддин жардамы менен Лола Каримова менен күйөөсү Тимур Тилляев 2013-жылдын жайында 58 миллион долларга бааланган чоң үйгө ээ болушкан. Мындан тышкары ушул эле шаарда миллиондогон акча турган дагы үч үй аларга таандык экени божомолдогон.

Ошол эле маалда басылма Каримовдордун үй-бүлөсүнө карата бир нече мамлекетте коррупциялык иштер боюнча иликтөө жүрүп жатканын эске салган. Бул кабар батыш жана америкалык басма сөздө кызуу талкууга түрткү берди.

“Азаттыктын” журналисттери “Нью Йорк Таймс” гезитиндеги макалага карата пикирин билүү үчүн Лола Каримованын жактоочусуна кайрылганда, ал басылманы сынга алып, өзбек президентинин үй-бүлөсү жемкорлук боюнча айыпталып жатканын четке какты.

Актоочу тарап кардарларынын тапкан кирешеси мыйзамдуу деп ишендирүүдө.

Өзбек президенти Ислам Каримовдун үй-бүлөсүндөгү пикир келишпестик 2013-жылы сентябрда ачыкка чыккан. Үй камагында кармалып турганы айтылганы менен, азыр кайда экенин эч ким билбеген тун кызы Гүлнара Каримова өзүнө каршы аракеттердин артында өз апасы Татьяна жана сиңдиси Лола турганын айтканы бар.

Лола Каримова болсо эжеси менен 12 жылдан бери катышпай калганын жарыялаган. Гүлнара сиңдисинин каржы боюнча иштерин да сынга алган. Каримовдун эки кызынын тең байлыгы эл ичинде көп талкууланган маселе. (NT\SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG