Башкы прокуратура шаардык милициянын жол-кайгуул кызматына эвакуацияланган автоунаалардан мыйзамсыз акча чогултуу фактысы боюнча кылмыш ишин козгоду. Бул тууралуу мекеменин маалымат катчысы Нурлан Тагаев билдирди.
Маалыматка ылайык, шаардык жол-кайгуул кызматы сынак жарыялабай туруп “Аргымак” аттуу ишкана менен келишим түзгөн. Аталган ишкана автоунааларды мажбурлоо жолу менен эвакуациялап, мыйзамсыз акча чогулткан.
Башкы көзөмөл органы шаардык жол-кайгуул кызматынын жетекчи кызматкерлерине кызмат абалынан кыянат пайдалануу, өзүмбилемдик беренелери боюнча кылмыш ишин козгоп, тергөөнү улантууда.(UEz)