Орусиянын өкмөт башчысы Дмитрий Медведев Украинаны азык-түлүк эмбаргосу колдонулган өлкөлөрдүн тизмесине киргизүү боюнча токтомго кол койду.
Украин товарларын киргизбөөгө карата эмбарго 2016-жылдын 1-январынан тарта күчүнө кирет. Украинанын өкмөт башчысы Арсений Яценюк орусиялык эмбаргодон улам болочоктогу жоготуу 600 миллион долларга чейин жетиши мүмкүн экенин билдирди. Буга чейин президент Владимир Путин 2016-жылдын 1-январынан тарта Украина менен эркин соода жүгүртүү боюнча келишимди жокко чыгарган жарлыкка кол койгон болчу.
