Ооганстандын коргоо министрлигинин маалыматына караганда, Ооганстандын түндүгүндөгү Саманган провинциясында жүргүнчүлөрдү ташып бараткан автобус авария болуп, андагы элүү адамдын кырк үчү каза болду. Мерт кеткендердин жыйырма төртүн жаш балдар менен аялдар түзөт. Маалыматка караганда, баш калаа Кабулдан чыккан автобус өлкөнүн түндүгүндөгү Мазари-Шариф шаарына жол тартып баратып, Саманган провинциясынын Хазрат Султан районунда кырсыкка учураган.
