Кыргызстандын Улуттук банкы 25-декабрда “Ак илбирс” деген аталышта баалуу таштар кошулуп жасалган 200 сомдук коллекциялык алтын монетаны коомчулукка тааныштырды.
Монетанын негизги бетине ак илбирстин сүрөтү түшүрүлүп, анын көзү бриллианттан жасалган. Арткы бетинде Кыргызстандын герби жана сейрек кездешүүчү жаныбарлардын сүрөттөрү бар.
Миң нускада чыккан монетанын ар биринин баасы 64 950 сомго барабар. (SE)
