Линктер

ЧУКУЛ КАБАР!
21-Октябрь, 2021 бейшемби, Бишкек убактысы 05:17

Жалал-Абадда экстремизмдин алдын алуу үчүн үйлөрдү тинтүү улантылат


Жалал-Абад облустук ички иштер башкармалыгы ИИМдин 10-башкы башкармалыгы менен бирдикте экстремизмдин алдын алуу максатында шектүү үйлөрдү тинтүүгө алууда. Мындай тинтүү бүгүн Сузак жана Жалал-Абадда жүрдү. Бул иш-чара облустун башка аймактарында да өткөрүлөт. Бул тууралуу “Азаттыкка” облустук милициянын жетекчиси Жеңиш Жоробеков билдирди.

- Биздин жарандардын Сирияга барган учурлары аныкталып жатат. Кыргызстанда мыйзам менен тыюу салынган диний-экстремисттик партия, уюмдарга мүчө болгон фактылар бар. Диний экстремизм боюнча милициянын каттоосунда турган жарандардын үгүттөө иштерине бөгөт коюу, алдын алуу максатында тинтүү иш-чаралары өткөрүлүүдө. Бүгүн Сузак, Жалал-Абадда өткөрүлүп жатат. Аталган даректерден баракчалар, китеп, диск, флешкалар далил буюм катары алынды.

24-декабрда Жалал-Абадда көп кабаттуу үйлөрдүн биринде жашынып жүргөн куралчан топ колго түшүрүлгөн. Кармалгандардын жанынан эки даана ок атуучу курал, маңзат жана ири өлчөмдөгү ок-дарылар табылган. Облустук милициянын маалыматына караганда, кармалгандар шаарда теракт уюштурушу ыктымал деп шектелүүдө. (КЕ)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG