Линктер

ЧУКУЛ КАБАР!
28-Октябрь, 2021 бейшемби, Бишкек убактысы 20:08

Кумтөрдүн кызматкери кыргыз элинен кечирим сурады


Кумтөр алтын кенинин кызматкери делген Майкл Макфит аттуу социалдык түйүндүн колдонуучусу буга чейин жылкынын эти тууралуу жазган билдирүүсү үчүн кечирим сурады. Анын өздүк баракчасында:

"Мен учурдан пайдаланып кыргыз эли жана жылкынын эти тууралуу айтканым үчүн кечирим сурайм. Мен бирөөнү кемсинтейин деген ниетим жок болчу. Эгер ошондой кабыл алсаңар бардыгыңардан кечирим сурайм. Ошондой эле сүрөттөгү кишилердин менин жазгандарым боюнча эч байланышы жок. Дагы бир жолу кечирим сурайм" деп жазылган.

31-декабрда Майкл Макфит аттуу колдонуучу жаңы жылдык кечеде түшкөн сүрөтүн жайгаштырып, дасторкондогу чучукту жылкынын жыныстык мүчөсүнө салыштырган.

Бул жазуу социалдык түйүндө активдүү талкууланып, айрым жарандык коомдун өкүлдөрү кыргыз элин шылдыңдоо катары кабыл алышты. Ошол эле социалдык түйүнгө чыгып кеткен видеодо маалым болгондой, Кумтөрдүн кызматкерлери жетекчиликке кайрылуу жөнөтүп, Майкл Макфитти жоопкерчиликке тартууну сунушташууда. (SDz)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG