Линктер

ЧУКУЛ КАБАР!
20-Октябрь, 2021 шаршемби, Бишкек убактысы 09:15

Бир тууган наристелер чоң энесинен запкы жеген деп шектелүүдө


Зомбулукка каршы акция.

Балдардын апасы Жазгүл Ыдыева наристелерди чоң энеси кыйнаган деп “Азаттыкка” билдирди:

- Үч жарым жаштагы уулум менен алты жаштагы кызым күздөн бери айылда, чоң атасы менен өгөй чоң энесинин колунда болчу. Ошондон бери кызым менен уулумду сабап, сууктун күнүндө сарайга жылаңач камап койчу экен. Муну жаңы жылдан кийин барып, кызымды алып келгенимде билдим. Эми жазасын алсын.

Жазгүл Ыдыева бул окуяга байланыштуу ишти Жумгалдагы милиция эмес, Бишкектеги милиция тергесе деген оюн да кошумчалады.

Кечээ Тез жардам аркылуу Бишкектеги №3 ооруканага үч жана алты жаштагы бир туугандар алып келинген. Үч жаштагы баланын денеси көгала, жамбашы күйгөн, алты жаштагы кыздын да денеси көгала, колу күйгөн. Балдардын ата-энеси муну чоң энеси кылган деп айыпташууда.

Азырынча бул боюнча балдардын чоң энесинин пикирин угууга мүмкүнчүлүк болгон жок.

Бул иш боюнча алгач иликтөө жүргүзгөн Октябрь райондук милициясы иш Нарын облустук ИИБне өткөрүлүп берилерин маалымдаган.(KE/ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG