Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 17:33

БУУнун Коопсуздук кеңеши чукул жыйынга чогулду


БУУнун баш катчысы Пан Ги Мун да Түндүк Кореянын ядролук сыноосун айыптады.

Коопсуздук кеңешинин мындай чукул жыйыны Түндүк Кореянын ядролук сыноо өткөрүшүнө байланыштуу өтүүдө. Пхеньян бүгүн суутек бомбасын сыноо ийгиликтүү өткөнүн жарыялаган соң АКШ менен Жапония Коопсуздук кеңешинин жабык жыйынын өткөрүүнү сунуштаган.

Ядролук сыноо тууралуу маалымат ырасталса, анда Түндүк Корея 2006-жылдан бери төртүнчү жолу мындай сыноо өткөргөн болот. Бирок эксперттер жарылуу күчү суутек бомбасынын кубатына жеткенинен күмөн саноодо.

Түндүк Кореянын суутек бомбасын сынаганы тууралуу жарыясынан соң дүйнөнүн бир катар өлкөлөрү Пхеньяндын бул кадамын айыптап чыгышты.

БУУнун баш катчысы Пан Ги Мун да бул сыноону айыптарын айтса, Жапониянын БУУдагы туруктуу өкүлү Мотохиде Йосикава дүйнө коомчулугун Коопсуздук кеңешинин резолюциясын одоно түрдө бузган Пхеньяндын аракетине каршы тезинен чара көрүүгө чакырды.

Түндүк Кореянын 2013-жылкы ядролук сыноосунан кийин БУУнун Коопсуздук кеңеши өлкөгө киргизилген санкцияларды дагы катаалданткан эле.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG