Азырынча балдардын сабалышы боюнча 6-январда жүргүзүлгөн соттук-медициналык экспертизанын жыйынтыктары күтүлүүдө. Экспертизанын натыйжасы, балдардын сабалышына тиешелүү башка материалдар чогулган соң, иш окуя болгон жерде, Жумгал райондук ИИБда каралат. Бул тууралуу “Азаттыкка” Бишкек шаардык ИИБнын басма сөз катчысы Айгүл Давлетбаева маалымдады.
6-январда Бишкек шаардык милициясына төрт жана алты жаштагы бир тууган наристелердин ата-энеси балдарын сабап-кордогон өгөй чоң энесин жазалоону өтүнүп, арыз жазышкан. Арыз ээлери ишти Бишкектен аягына чыгарып берүүнү суранууда.(ZKo)
