Кыргызстандын футбол боюнча жаштар курамасы 9-январда Москва шаарынын четиндеги «Новогорск» машыгуу борборунда Орусиянын “Сатурн” клубу менен беттешет. Таймаш шериктештик кубогуна даярданууга карата жүрүп жаткан машыгуунун алкагында өтөт.
Шериктештик кубогу 17-январда Санкт-Петербург шаарында башталат. Ага Кыргызстан, Казакстан, Орусия, Беларус, Латвия, Молдова, Тажикстан жана Эстониянын командалары катышат. Кубок 23-январга чейин уланат.
Кыргызстан “А” тайпасында Беларус, Молдова жана Казакстан менен күч сынашат.
Жаштар курама командасында 22 жашка чейинки уландар бар.
Кыргызстандыктар машыгуу үчүн Москва шаарына 4-январда кетишкен. Ал жакта "Динамо" клубунун базасында машыгып жатышат. (SE\ECh)
