Ош облусунун Кара-Суу районунун тургуну Абдураим Аманбаев “Ынтымак” жана “Ош шамы” гезитинин журналисттеринин үстүнөн “бир тараптуу маалымат берилди” деген жүйө менен эки журналисттен 500 миң өндүрүп берүү талабын коюп Ош шаардык сотуна кайрылды. Бул тууралуу «Азаттыкка» гезиттин кабарчысы Элира Чынтемирова билдирди.
2015-жылдын август айында таяке-жээндин ортосундагы үй талаш тууралуу макала “Ынтымак” телеканалы менен “Ош шамы” гезитинде чагылдырылган болчу. (YI)
