Чүй облусунун Жайыл районундагы жол кырсыгынан эки киши мерт кетип, тогузу жараат алды. Бул тууралуу Өзгөчө кырдаалдар министрлигинен кабарлашты. Маалыматка караганда, жол кырсыгы 10-январда кечки саат 10дор чамасында болгон. "Мерседес-Бенц Вито" жана "Хонда Степ Вагон" үлгүсүндөгү машиналар Бишкек-Ош автожолунун 169-чакырымында кагылышкан. Жараат алгандар Кара-Балта ооруканасына жаткырылды.
2015-жылы Кыргызстанда беш миңден ашуун жол кырсыгы катталган. Кырсыктан мерт болгондордун саны 800дөн көп. Жараат алгандар 7594 адам. (КЕ)
