Борбордук шайлоо комиссиясы тарабынан мандатынан ажыратылган депутаттар Биринчи Май райондук сотуна арыз жазышты. Бул тууралуу “Азаттыкка” “Кыргызстан” фракциясынын мүчөсү, мурдагы депутат Чолпон Эсенаманова билдирди. Алар БШКнын чечимин жокко чыгарууну талап кылышууда. Соттук териштирүү 15-январга белгиленди.
Борбордук шайлоо комиссия 11-январдагы жыйынында “Кыргызстан” фракциясынын лидери Канат Исаев жөнөткөн документтердин негизинде фракция мүчөлөрү Чолпон Эсенаманова жана Элмира Жумалиеваны мандатынан ажыраткан. (КЕ/МТо)
