Линктер

ЧУКУЛ КАБАР!
27-Октябрь, 2021 шаршемби, Бишкек убактысы 16:59

Мандат чыры Жогорку Кеңеште каралбай калды


Жогорку Кеңеш бүгүн Борбордук шайлоо комиссиясынын “Кыргызстан” фракциясынын эки депутатын мандатынан ажыратып, ал эми “Республика Ата Журт” фракциясынан шайлоого аттанган Жыргалбек Саматовго үчүнчү жолу мандат берген маселени карамак. Бирок кворумдун жоктугунан аталган маселе талкууланбай калды.

Кечки саат алтыдан өткөндө Жогорку Кеңештин жыйындар залында 47 гана депутат отургандыктан, спикер Асылбек Жээнбеков мыйзам боюнча ишти улантууга болбостугун билдирди. Жогорку Кеңеште 120 депутат бар, жогорудагы маселени кароо үчүн кеминде алардын жарымы катышуусу зарыл болчу.

Мурдарак депутаттар мандат чырын күн тартибиндеги акыркы маселе кылып талкуулоого добуш берип, бүгүнкү жумушчу саатты да узартышкан.

Мандат маселеси боюнча маалымат берүү үчүн Жогорку Кеңешке БШКнын мүчөлөрү да чакыртылган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG