Ылайдан табылган “Ырыскы”
Бишкек шаарынын түндүк-чыгыш тарабындагы Лебединовка айылынын төмөн жагында жергиликтүү жашоочулар ылай суудан нан таап жешет десе, кантип эле деп таң калышыңыз толук мүмкүн. Бирок бул сөздүн түз маанисинде эле ушундай. Бишкек жылуулук борборунун (ТЭЦ) чала күйгөн көмүр калдыктары темир түтүктөр аркылуу бир канча чакырым барып, атайын казылган чуңкурга төгүлөт. Мына ошол жерден көмүр калдыктарын чогултуп сатып, үй-бүлө баккандар жүздөп саналат, атүгүл ”кара алтындан” түшкөн кирешеге машине сатып алгандар да жок эмес. Алардын бири Белек Шаймерденов. (2014-жыл, декабрь)