Линктер

ЧУКУЛ КАБАР!
22-Октябрь, 2021 жума, Бишкек убактысы 20:25

Немис адвокаты “Биринчи каналдын” сюжетин текшерүүнү талап кылды


Немис адвокаты Мартин Лютле Берлиндин прокуратурасына кайрылып, Орусиянын "Биринчи каналынан" көргөзүлгөн сюжетке укуктук баа берүүнү өтүндү. Анда сюжеттин автору Берлинде 13 жашар орус тилдүү кызды араб өлкөлөрүнүн биринен келген качкындар уурдап кетип, зордуктаганы тууралуу маалымат жарыялаган. Бирок полиция Германияда орус тилдүү кыз жоголду деген сөздү иликтеп, анын чындыкка коошпой турганын аныктаган. Мына ошондуктан адвокат Мартин Лютле телесюжет орусиялык пропаганданын негизинде даярдалып, улуттар аралык кастыкты козута турганын билдирди. Германиянын укук тартиби орусиялык маалымат каражаттарына жайылтылбаганы менен Берлинде жашаган орусиялык журналист Иван Благо өлкөнүн мыйзамдарын бузду дейт немис адвокаты. Анткени орусиялык каналды Германияда жашаган алты миллионго чукул орус тилдүү калк көргөндүктөн, сюжет алардын арасында качкындарга каршы жек көрүүнү козута турганы белгиленди.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG