Орусия убада кылган ГЭС куруу макулдашуусун денонсациялоо үчүн кыргыз тарап экономикалык гана эмес, юридикалык да негиздеме бериши керек. Бул тууралуу бүгүн парламентте талкуу учурунда "Республика - Ата-Журт" фракциясынан депутат Мирлан Жээнчороев билдирди.
- Эл аралык арбитражда каралып калышы мүмкүн. Орус тарап 2,5% боюнча аткарган жок, техника-экономикалык негиздеме боюнча да аткарылбай калды. Дагы үч маселеде алар тараптан бузуу болгон.
Жогорку Нарын ГЭСтер каскадын жана Камбар-Ата-1 ГЭСин куруу тууралуу макулдашуу кыргыз жана орус өкмөттөрүнүн ортосунда 2012-жылы кабыл алынган. Бирок кыргыз тарап Орусиянын айынан иш жылбай жатканын айтып макулдашууну денонсацияламай болуп жатат. Буга чейин тиешелүү документ парламенттин комитеттеринде жана фракцияларында каралган. Бүгүн жалпы жыйында талкууланууда. (RK)
