Түрк-кыргыз ишкерлеринин форумунан кийинки ойлор

21-22-январда Түркиянын борбору Анкара шаарында башталган кыргыз-түрк ишкерлеринин бизнес форуму өттү. Форумдун негизги максаты - ЕАЭБге киргенден кийинки Кыргызстан менен Түркиянын экономикалык кызматташтыгын өнүктүрүү. Иш-чарага Кыргызстандан жүздөн ашык, Түркиядан 150гө жакын ишкер катышат. Алар эки күн ичинде тажрыйба алмашуу, инвестиция тартуу жаатында эки тараптуу сүйлөшүүлөрдү жүргүзүшөт. “Азаттыктын” кабарчысы Улан Эгизбаев форумдун катышуучуларын кепке тартып, кандай жаңы демилгелер айтылып, ишкердик сунуштар берилгенин сурады. Катышуучулар: Айбек Сарыгулов, Түркиядагы достук, кызматташтык уюмунун башчысы, Нурлан Мүсүралиев Кыргызстандын соода, өнөр жай палатасынын вице-президенти, Айнура Үсөнбекова Экономика министрлигинин ишкерлерди жөңгө салуу башкармалыгынын башчысы жана Умбриэль Темиралиев Жаш ишкерлер ассоциациясынын бизнес бирлигинин башчысы.