Казакстандын Жамбыл облусунда 23-январь күнү тик учак кырсыкка кабылып, кулап түштү. Бул тууралуу жергиликтүү булактар расмий органдарга таянып билдирди. Куткаруучулар күйүктөн оор жараат алган учкучту таап, ооруканага алып кетишти. Издөө иштери уланууда.
Тик учак казакстандык "Жаны Алем" авиакомпаниясына таандык. Бортто канча киши болгону боюнча маалыматтар жок.
“Ми-2” үлгүсүндөгү тик учактын кулаганы тууралуу кечки саат сегиз жарымдарда кабарланды. Кырсыкка эмне себеп болгону айтыла элек. (SE)
