Бул тууралуу Ботобековдун саясий пикирлештери “Азаттыкка” 28-январда билдирди. Маалыматка караганда, президент Алмазбек Атамбаевдын ар-намысын коргогон Башкы прокуратура жана президенттин кеңешчиси Икрамжан Илмиянов менен соттошуп, 2 млн. сом айып пулга жыгылган журналист Дайыр Орунбеков жана активист Уран Ботобековго саясий башпаанек Кошмо Штаттар жана Европа Биримдиги тарабынан сунушталган. Уран Ботобековдун Кыргызстандан чыгып кеткени 27-январда маалым болуп, ал Түркияда экени кабарланган. Дайырбек Орунбеков Кыргызстанда президент Алмазбек Атамбаевдин өзүн сотко берип, ар-намысына шек келтиргени үчүн 1 сом айып пул талап кылууда. Анын арызы боюнча соттук териштирүү 8-февралда уланат. (AiT)