Камбар-Ата-1 ГЭСин курууга жаңы инвестор табуу жаатында бүгүн кыргыз өкмөтү жыйын курат. Тийиштүү мамлекеттик ишканалар жана министрликтердин сунуш-пикирлери менен пландар иштелип чыгарын өкмөттүн басма сөз катчысы Назира Ахмедова “Азаттыкка” билдирди.
Камбар-Ата-1 ГЭСин жана Жогорку Нарын гидроэлектрстанциялар каскадын куруу жөнүндө 2012-жылы кол коюлган кыргыз-орус өкмөттөрү ортосундагы макулдашууларды быйыл кыргыз бийлиги жокко чыгарган. Буга Москва тараптан пландалган иштер аткарылбай жатканы себеп болду.
Азырынча ГЭСтерди курууда кайсыл мамлекеттер менен иштешүү пландалып жатканы белгисиз. (SE)
