Кытайда “Жаз майрамы” белгиленип жатканына байланыштуу 7-февралдан тарта Бээжин бир аптага Кыргызстан менен чек арасын жабат. Мамлекеттик чек ара кызматынан кабарлашкандай, “Торугарт унаажолу” өткөрүү пункту 14-февралда, “Эркечтам унаа жолу” өткөрүү пункту 15-февралда ачылат.
Кытай Эл Республикасы майрамдарга байланыштуу чек араны улам-улам жаап турат. Эки өлкөнүн чектешкен жери 1084 километрди түзөт, демаркация иштери 2003-жылы толук чечилген. (SE)