Кентукки штатынан мамлекет башчылыкка талапкерлигин койгон республикачы-сенатор Ренд Пол президент болуу ниетинин кайтып, талапкерлигин алып салганын жарыялады.
Айово штатында 1-февралда талапкерлер боюнча жүргүзүлгөн сурамжылоодо ал бешинчи орунду ээлеген. Элдин көбү Техас штатынан талапкерлигин койгон Тед Крузду колдоорун билдиришкен. Аны сурамжылоого катышкандандардын дээрлик 28% жактаган. Экинчи тепкичке 24% менен миллиардер Дональд Трамп чыккан. Үчүнчү орунга Флорида штатынан талапкер Марко Рубио, төртүнчү катарга Бен Карсон жайгашкан. Ал эми Ренд Полду колдойм дегендердин добушу 5% жеткен эмес.
Флориданын муруңку губернатору, экс-президент Жорж Буштун бир тууганы Жеб Буш алтынчы орунду ээлеген.
АКШда президенттик шайлоо быйыл күзүндө болот.