Линктер

ЧУКУЛ КАБАР!
28-Октябрь, 2021 бейшемби, Бишкек убактысы 09:08

Давутоглу: Түркия качкындарды зарыл учурда кабыл алат


Түркия премьер-министри Ахмет Давутоглу өлкөнүн чек арасына топтолгон 30 миңден ашуун киши Сирия түндүгүндөгү Алеппо аймагында Башар Асадды колдогон орус аба күчтөрүнүн чабуулунан качып келгенин билдирди. Бүгүн Анкарада Германия канцлери Ангела Меркел менен жолугушкандан кийин өткөн маалымат жыйынында Давутоглу Түркия зарыл болгон учурда гана сириялык качкындарды кабыл аларын айтып, бирок бул орус учактарынын соккусунан качкандарды Түркия кабыл алат деген идея менен шайкеш келбеши керектигин кошумчалады.

Давутоглу Түркия менен Германия Алепподогу чабуулду токтотуу үчүн биргелешкен дипломатиялык демилгелер менен чыгууга макулдашканын да айтты.

Сириядан Европаны көздөй жол тарткандардын көпчүлүгү Түркия аркылуу өтөт. Брюссель буга чейин качкындарды Европага өткөрбөөгө көмөк көрсөтүү үчүн Түркияга үч миллиард евро жардам берүүнү убада кылган. Давутоглу Евробиримдиктин бул каражаты колго тийгенден кийин жасалчу иштер боюнча Брюсселге кийинки жумада маалымат берилерин да билдирди.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG