Бул штатта 9-февралда өткөрүлгөн праймеризде Республика партиясынын талапкерлеринин ичинен миллиардер Дональд Трамп, ал эми демократтардан Берни Сандерс алдыга чыгышты. Биринчи жыйынтыктар боюнча Трамп 34% добуш алып, 8-ноябрдагы шайлоодо республикачылардын талапкери болуу мүмкүнчүлүгүн бекемдеди.
Демократиялык партиянын талапкери Берни Сандерс 58% добуш топтоп, партия көсөмдөрү таптаган талапкер Хилари Клинтонду артка калтырды. 40% добуш алган Клинтон Нью-Гемпширде жеңилгенин мойнуна алып, бирок Түштүк Каролина жана Невада сыяктуу штаттарда башкача натыйжа болорун билдирди. (AiT)
