Ички иштер министрлигинин маалыматына караганда, 26 жаштагы келин жаңы төрөлгөн кызын 20 миң сомго белгисиз бирөөлөргө былтыр жайында сатып жиберген. Төрөгөнгө чейин Бишкек шаарындагы жаңы конуштардын биринде жашап, базарда короо шыпыргыч болуп иштеген келиндин мындан башка дагы эки баласы бар. Ыкчам-иликтөө иштердин натыйжасында наристени сатып алган үй-бүлө табылды. Ымыркай жакшы шартта жашап жатканы белгилүү болду. Ал эми анын өз ата-энеси Нарында жашап жатат. Учурда окуя боюнча иликтөө жүрүүдө. (КЕ)
