Москва шаарынын мэри Сергей Собянин бүгүн кыргызстандык Марат Исаев менен полиция кызматкери Артем Королюкту эрдик көрсөткөнү үчүн сыйлады.
Бул тууралуу “РИА Новости” кабарлады. Экөө 11-февралда метронун “Красносельская” станциясында талмасы кармап, рельске кулаган аялды жүрүп бараткан поезддин астына кирип, куткарып чыгышкан.
Собянин Твиттердеги баракчасына "Артем менен Марат - чыныгы баатырлар",- деп жазды.
Кыргыз президенти Алмазбек Атамбаев да көрсөткөн эрдиги үчүн Марат Исаевге ыраазычылык билдирип, кол саат жана акчалай сыйлык берген. (SE)
